幾年前嘅有一段時期心好痛苦非常累搵唔到出口，直到我行去page one 買左第一本關於 relationship 嘅書 -《男女大不同》之後我終於通左第一條神經線！睇過嘅人當溫習一次，末睇過嘅希望由一個小故事可以inspire 到你啦！
喺好耐好耐以前，火星住左一班重視力量，能力，效率同成就嘅男性。火星表面有好多洞穴，當男生遇到困難同情緒嘅時候佢地會自己一個人暱埋思考直到問題解決左先會出番黎；而火星嘅語言喺率直而且單刀直入，你講咩佢就會照字面去理解。喺另外一邊金星住左一堆將愛，溝通，美同關係都睇得同樣重要嘅女性。當女生遇到壓力嘅時候，佢地會搵一個或者一班信任嘅人討論，可能其實講完十個鐘都無解決到個問題，但係金星嘅女仔就係享受被認同和分享嘅過程；金星嘅用詞多用隱喻或者概念化嘅措詞表達形式，間中佢地口講嘅又未必係講緊心嗰句，喺比起其他星球(即係火星)較難去master嘅語言。有一日火星同金星嘅人突然互相發現對方並一見鐘情，從此佢地決定一齊定居於地球 :) 不過日子耐左，大家都開始忘記其實彼此來自唔同星球亦講唔同嘅語言，而最後造成大大小小嘅衝突。
當然呢個只係作者 John Gray Mars Venus 虛構故事唔能夠以偏概全...不過一理通百理明，記住 Men are from Mars women are from Veuns 突然每件事都變得explainable。愛情係需要雙方面一齊經營互相欣賞，唔好每次都將自己嗰套套落人地身上，其實愛情友情人生都唔應該係咁。 #女人像鹽
Search